Nagapabilin nga buhi ang Gilas Pilipinas Women sa Group A sang FIBA Asia Cup matapos ang kadalag-an batok sa Chinese Taipei, 92-81, sa Sydney Olympic Park Sports Centre sa Australia.
Nanguna sa Pilipinas ang Filipino American point guard nga si Vanessa de Jesus nga may 25 points, apat ka assists, kag duha ka rebounds.
Naka-double digits man sanday Afril Bernardino kag Jack Danielle Animam nga may 18 points kag 16 points.
Ini ang labing-una nga daog sang Pilipinas sa group phase sang FIBA Women’s Asia Cup halin sang na-promote sang 2015.
Sang nagliligad lang nga adlaw, matandaan nga ginlutos ini sang powerhouses nga Australia kag Japan.
Sunod nga magabalik sa hampang ang Gilas Women sa knockout match sa Byernes, Hunyo 30, batok sa second-ranked team sa Group A agud nga maka-qualify para sa semifinals. #
