ILOILO – Sa pihak sang pagtilaw sa kabuhi bangud sa pag-angkon sang breast cancer, maisog nga gin-aubang ni Bombo Rod Jaen Losbañes Gallarde ang balatian kag madinalag-on nga nalampuwasan bangud sa pagtuo sa Diyos.
Suno kay Bombo Rod Jaen, Abril 2021 sang nadiskubrehan sini nga may yara ini sang cancer.
Bangud may history na sang cancer ang ila pamilya, gilayon siya niya nagpaidalom sa ultrasound kag biopsy, kag diri natukiban nga malignant ang bukol sa iya dughan.
Tungod sa suporta sang iya bana kag pamilya, nagdesisyon siya nga magpaidalom sa operasyon kag pagpabulong.
Matapos ang madinalag-on nga operasyon, ginpangamuyo niya nga mangin negatibo ang iya biopsy result.
Liwat nga ginapamatud-an sang Diyos ang iya kaayo matapos nagnegatibo, apang kinahanglan sa gihapon nga magpaidalom sa chemotherapy.
Sang Hunyo 4, 2021, gin-umpisahan sini ang iya chemotherapy treatment kag natapos ini sang Nobyembre 17, 2021.
Sa subong, hilway na ini sa balatian kag padayon nga nagakabuhi nga may pagtuo kaupod ang iya bana kag isa ka anak.
