Problema para sa Barangay Balabago, Jaro, Iloilo City ang pagbaha sa ila nga barangay.
Sa interview sang Bombo Radyo kay Punong Barangay Edgar Arañador, iya ginpahayag nga nagakabudlayan sila nga mga barangay officials nga solbaron ang pagbaha bangud indi sila dali-dali makapakig-angot sa mga tag-iya sang duta bangud yara ang mga ini sa luwas sang pungsod.
Suno kay Arañador, may yara man sang ginalutsan ang tubig-baha sa Barangay Banuyao sa distrito sang LaPaz apang tuman ini ka gamay rason nga nagabara kag nagapondo ini sa ila nga lugar.
Dugang pa sang punong barangay, indi man niya ma-hingyuan sa Iloilo City Government sang proyekto ang lugar nga ginabahaan bangud yara ini sa pribado nga propedad.
