ILOILO CITY – Ginapaimbestigaran na sa Ombudsman ang mga punong barangay sa siyudad sang Iloilo nga may himata nga drug personalities, kag ang kahilabtanan sang mga ini sa illegal drug operation.
Sa interview sang Bombo Radyo Iloilo, ginpahayag ni Councilor Jeffrey Ganzon, chairman sang Committee on Police Matters and Dangerous Drugs sang Iloilo City Council, ginatugyan na nila sa Ombudsman ang pagdesisyon sa mangin silot sa mga barangay kapitan.
Kalakip sa mga ginaimbestigahan sanday Remia Prevendido Gregori sang Barangay Bakhaw, Mandurriao, kapatid sang no. 1 drug lord sa Western Visayas; Keith “Dabing” Espinosa sang Barangay Monica Blumentritt, City Proper kag bana sang drug personality nag si Jingjing Espinosa; kag Noemi Hablo sang Desamparados, Jaro na misis naman sang drug personality na si Rasty Hablo nga naghikog sa General Santos.
Magluwas sa tatlo, ginaimbestigaran man kung may iban pa nga barangay officials sa siyudad sang Iloilo nga may kaangtanan sa illegal drugs.