ILOILO CITY- Napatay sa shootout sang mga otoridad sa Wao, Lanao del Sur ang ginatudlo nga mastermind sa pagpatay sa lima ka mga ahente sang Philippine Drug Enforcement Agency (PDEA) sadtong 2018.
Serbehan kuntani sang arrest warrant sang mga tinawo sang National Bureau of Investigation (NBI)- Iligan kag Philippine National Police Special Action Force (PNP-SAF) ang suspek nga si William Gandawali apang nagpalupok ini sa otoridad rason nga ginpalukpan man ini sang operatiba kag napatay.
Pila ka armas ang nakuha sa crime scene kalakip ang isa ka armalite, isa ka M203 grenade launcher, kag mga bala.
Isa ka pulis ang napilasan sa amo nga operasyon.
