Naganubo na ang COVID-19 cases sa Barangay Dulunan, Arevalo, Iloilo City.
Sa interview sang Bombo Radyo kay Barangay Kagawad Rolly Pineda, iya ginpahayag nga ginabanta indi na magsobra sa 15 ang kaso sang COVID-19 sa ila nga lugar.
Suno kay Pineda, bangud man ini sa wala untat nila nga pagpahanumdom sa ila mga pumuluyo sa diin nagpahamtang sila sang warning device ukon trompa agud mabatian sang tanan ang mga pagsulundan kaangay sang health protocols.
Samtang, ginpahayag ni Pineda nga wala man sang dapat nga kabalak-an ang mga pumuluyo nga indi makapadulong sa simbahan bangud may ginapabati man sila nga rosaryo.
