ILOILO CITY – Hugot nga ginpanginwala ni Brgy. Kagawad Ruby Gallano sang Brgy. San Isidro, Jaro, Iloilo City nga siya ang nagapangamot sa paghatag sang relocation site sa ila lugar sa baylo nga ang Iloilo City Urban Poor Affairs Office (ICUPAO).
Sa interview sang Bombo Radyo kay Gallano, iya ginpahayag nga indi matuod ang mga akusasyon batok sa iya.
Suno kay Gallano, wala siya sang kinamatarong nga magpahilabot sa pagpanghatag sang relocation site bangud nga ang may yara sang katungdanan amo ang ICUPAO.
Ang iya lamang nga mabulig amo ang pagpatigayon agud nga mapadasig ang paghatag sang relocation site sa mga benepisyaryo.
Luyag man sang Barangay Kagawad nga maistorya sang personal ang mga nagapalapta sang sala nga impormasyon agud nga indi na ini maglapta.
Nakahanda man ang natungdan nga magsabat sa mga akusasyon nga ginapatu-pato batok sa iya.
