ILOILO CITY – Nagdepensa ang isa sa nagkastigo sa isa ka lalaki nga nangawat sang duha ka hakop nga bugas sa isa ka tyangge sa Barangay Sto. Domingo, Arevalo nga self defense lamang ang iya ginhimo.
Ginapahayag nga may problema sa paminsaron ang nangawat nga lalaki.
Sa interview sang Bombo Radyo kay Barangay Kagawad Leorni Gison, iya ginpahayag nga ginwakli siya sang amo nga lalaki rason nga nasumbagan niya ini sa suluk-sulok.
Ginpahayag niya dugang nga may yara sang dala nga binangon ang lalaki rason nga ginpatumba niya ini agud nga indi na magpanglagas sa mga pumuluyo sang lugar.
Pahayag pa sang natungdan, wala nadala sa video nga nakalab-ot sa Bombo Radyo ang pagtiklod sa iya sang lalaki sang gin-aresto niya ini kag ang pag-agaway nila sang bag.
Nakahanda naman nga atubangon ni Gison ang ini nga issue.
Ini na ang ikaduha nga beses nga nagpangawat ang amo nga lalaki suno sa natungdan.
