Magapatigayon sang koordinasyon ang Brgy. North Baluarte, Molo, Iloilo City sa management sang Fish Port Complex agud nga hibaluon ang mga naga-exist nga drug den sa lugar.
Sa interview sang Bombo Radyo kay Punong Barangay Allan Aurelio, iya ginpahayag nga ginahibalo na sini kon may mga nabilin pa nga barracks sa compound sang Fish Port Complex.
Suno kay Aurelio, may yara sila nga impormasyon nga ang iban nga barracks ang nagsaylo sa iban nga lugar.
Ginpahayag man sini nga sa pinakaulihi nga pagsekyar sang ila nga talatapan, wala na ang mga construction workers sa lugar.
Una na nga ginkadismaya sang Regional Drug Enforcement Unit (RPDEU) 6 ang management sang Iloilo Fish Port Complex sa indi pagkooperar nga ipaidalum sa drug test ang mga construction workers sa ila barracks.
Nahibaluan nga lunsay mga pangayaw ang mga durugista nga nadakpan sa lugar, rason nga ginpangguba ang barracks agud nga mapahalin sila sa lugar.
