ILOILO CITY – Istoryahan sang mga barangay officials sa Boulevard, Molo ang ginpa-Bombo may kaangtanan sa naga-onroad parking sa Zone 5 kag 6.
Sa interview sang Bombo Radyo kay Kagawad Eddie Lamprea, iya ginpahayag nga plastaron anay nila ang parking area sa barangay agud nga indi na magbalik park ang mga salakyan sa higad sang dalan.
Suno pa kay Lamprea, sa tion lamang sang gab-i naga-park ang mga salakyan kag mahawan man kun adlaw.
Dugang pa niya, may yara sang designated parking area ang barangay sa higad sang baybay apang posible nga nalayuan na ang mga tag-iya sang salakyan.
Ginpahayag man sang natungdan nga nagapatigayon man sila sang clearing operation.
Sa subong, indi anay sila magpangayo sang bulig nagikan sa Anti-Squatting and Illegal Structure Unit bangud nga pangitaan nila anay sang pamaagi agud nga masolbar ang reklamo.
