ILOILO CITY– Magabuylog ang Barangay San Juan, Molo, Iloilo City sa pagapatigayunon nga Do Day Kontra Dengue Driver’ subong nga adlaw.
Sa interview sang Bombo Radyo kay Punong Barangay Pascual Espinosa sang nasambit nga lugar, iya ginpahayag nga pangunahan sang mga opisyal sang ila barangay ang pagpaninlo agud ma-engganyo ang mga pumuluyo nga mag-upod sa nasambit nga kawsa.
Suno kay Espinosa, may 23 ka mga pumuluyo sa iya barangay nga na-admit sa hospital.
Pagakumpirmaron man suno kay Espinosa ang ginapahayag isa ka casualty nagikan sa iya barangay.
Ang pagpaninlo ang isa ka pamaagi suno kay Espinosa agud matapna na ang pagduging sang makahalalit nga balatian.
Ginmanduan man sang opisyal ang mga benepisyaryo sang Pantawid Pamilyang Pilipino Program (4Ps) kag iban pa nga pumuluyo nga mag-upod sa pagpaninlo.
