ILOILO CITY – Magapatigayon sang interzone basketball league ang Barangay Tacas, Jaro, Iloilo City agud nga mapalayo sa iligal nga aktibidad ang mga residente sang lugar subong nga nagaduging naman ang iligal nga droga sa syudad.
Sa interview sang Bombo Radyo kay Punong Barangay Joseph Poral, iya ginpahayag nga may ara gid sa mga pumuluyo niya nga nagbalik sa illegal drug operation.
Dugang pa niya, wala man naga-untat ang ila nga pagpa-intindi sa mga pumuluyo sa epekto sang iligal nga droga.
Samtang, bulanan man nga nagapatigayon sang Barangay Anti-Drug Abuse Council meeting ang mga opisyal agud nga ma-monitor ang mga pumuluyo.
Nagpasalig man ang opisyal nga nagapadayon ang ila nga coordination sa kapulisan.
