Nagpasalig ang isa ka opisyal sang Barangay Tagbak, Jaro, Iloilo City nga mas hugton pa ang pagpanaway kag pagbantay sa mga kabataan nga naga-swimming sa suba, kasunod sang pagkadula kag pagkakita sang bangkay sang isa ka 13-anyos nga si alyas Kiel sa isa ka creek sa lugar.
Sa interview sang Bombo Radyo kay Kagawad Eric Laburdo, may mga tanod na sila nga naga-roving kag naga-warning sa mga kabataan, apang ginpahayag sini nga indi malikawan nga nagabalik gihapon ang mga ini sa pagpaligo bisan may pahimangno na.
Ginkumpirmar pa ni Laburdo nga madalom gid ang bahin sang suba nga ginahalinan sang peligro, gani may ginaplano sila nga pagpatawag sang barangay meeting agud istriktuhan na gid ang pagbawal sa pagpaligo, labi na kon indi maayo ang tiyempo.
Ginapanawagan man sang barangay ang kooperasyon sang mga ginikanan agud malikawan ang pareho nga trahedya sa palaabuton.
