Ginakabig nga dako nga bulig sa mga taga Brgy. Zamora-Melliza ang paggamit sang CCTV sa pagmonitor kag pagpatuman sang curfew para sa mga menor de edad sang ila nga barangay.
Sa interview sang Bombo Radyo kay Punong Barangay Lloyd Abadiano, iya ginpahayag nga halin pa sang tuig 2023 ginapatuman na nila ang ordinansa kag nakabulig gid agud madisiplina ang mga kabataan.
Suno sa iya, bangud istrikto nga ginasunod ang amo nga pagsulundan sa takna nga alas-diyes sang gab-i wala na sang mga kabataan nga nagalagaw kag nagagwa agud magluntad sang gamo ukon magpasaway
Gin-ako man sini nga sang una nabudlayan man sila bangud may iban nga wala nagasunod apang sa bulig sang ila mga barangay tanod nga nagapalibotkada gab-i na-amat-amat palab-ot sa mga menor de edad kag mga ginikanan sang mga ini nga dapat sundon ang amo nga ordinansa.
Padayon naman ang ila mga barangay officials sa pagbantay kag pagpahanumdom sa ila mga pumuluyo nga dapat magsunod sa ila mga pagsulundan agud nga mangin maayo lang ang ila nga pagtamdanay.
