Ginbalik na sa kustodiya sang Senado ang ginkakas nga si Department of Public Works and Highways (DPWH) Bulacan Assistant District Engineer nga si Brice Hernandez.
Ang pagbalik kay Hernandez ang kasunod sang hearing sa iya nga Writ of Amparo petition sa Pasay Regional Trial Court Branch 112.
Ang kampo ni Hernandez ang nagsulat kanday Senate President Vicente Sotto III kag Blue Ribbon Committee Chair Panfilo Lacson para hingyuon ang pagbalik sa iya sa Senate Detention Center bangud sa ila pagsalig kanday Sotto kag Lacson.
Matandaan nga gin-cite in contempt sa Senado sang Setyembre 8 si Hernandez matapos ginpahayag nga nagbinutig ini kag gin-detain sa Senate Detention Facility.
Ginsaylo siya sa PNP Custodial Center matapos ginbuyagyag sa Kamara ang duwa ka senador nga ginaalegar involved sa maanomalya nga flood control projects sa Bulacan.
