ILOILO CITY-Nagtapos sa trahedya ang masadya kuntani nga kasal sa pungsod Iran matapos nga aksidente nga naigo sang bala ang bride nga gintunaan sang iya kamatayon sang isa ka bisita ang nagpalupok sang pusil.
Isa ka ‘celebratory gunfire’ ang ginpatigayon kun sa diin isa sa mga guests ang naghimo sini sa kasal nga ginpatigayon sa Firuzabad City.
Ang celebratory gunfire amo ang pagpalupok sang pusil sa okasyon bilang para pagpakita sang kalipay apisar nga ginadumilian ini.
Base sa report, nangin matawhay man ang una nga round sang pagpaulan sang bala,apang sa ikaduha nga round, didto na naigo sa ulo ang biktima nga si Mahvash Leghaei, 24-anyos kag pilason man ang duha pa ka bisita.
Pakaisa sang groom ang suspek nga naaresto man gilayon sang mga otoridad kag nakumpirma man nga wala sang lisensya ang iya pusil.
