ILOILO CITY- Kon kaslon ang bisan sin-o nga babaye, sigurado nga gustohon niya nga mangin pinakamahamot kag pinakamatinlo antes kag sa adlaw mismo sang iya kasal.
Apang, maluyagan mo ayhan nga kaslon sa isa ka pungsod nga pinasahi ang kustombre para sa mga bride?
Didto sa Scotland, may yara sang isa ka pre- wedding ritual nga pat- od nga bisan sin- o nga bride ang indi gid maluyagan.
Ini bangod nga ang kustombre nagalakip sang paghaboy sang itlog, pan-os nga gatas kag tanan nga mabaho nga butang sa bride.
Ginalamhitan man ini sang bisan ano nga butang nga mahigko.
Ang ini nga ‘blackened bride’ kon tawgon ang ginapalibot sa bilog nga banwa nga indi mairo ang iya itsura.
Ini nga custom ginapaanggid sa mabudlay nga kabuhi nga nagahulat sa iya pagkatapos sang kasal.
Ini nga tradisyon nagapreparar sa iya para sa new chapter sang kabuhi kag agud malampuwasan niya ang tanan nga kabudlay.
