Ginpanawagan ni Presidential Communications Office (PCO) Undersecretary kag Palace Press Officer Atty. Claire Castro kay former Presidential Spokesperson Atty. Harry Roque nga indi magpanago kag magpauli na sa Pilipinas.
Si Roque ang nagapangatubang sang non-bailable nga kaso nga qualified human trafficking kag ginmanduan sang House of Representatives nga mapreso matapos gin-cite in contempt sa hearing sang kongreso kaangot sa Philippine offshore gaming operators (POGOs).
Una na nga ginpahayag sang Bureau of Immigration nga indi matumod ang nahamtangan ni Roque, apisar nagwa nga yara ini sa Dubai sang Disyembre matapos ang iya bakasyon sa Japan.
Apang sang damlag lang, nagwa si Roque matapos ang pag-aresto kay former President Rodrigo Duterte sang International Criminal Court (ICC) sa The Hague, Netherlands.
Diri kag nagpanawagan ini nga dal-on pauli si Duterte sa Pilipinas.
Suno kay Castro, mas maayo nga magpauli man si Roque sa Pilipinas kag likawan na ang pagpanago.
