Gin-athag sang Princess of Pop nga si Britney Spears nga indi na ini magbalik sa music industry.
Ini kasunod sang huring-huring nga may yara siya sang ipaguwa nga bag-o nga album — istorya nga gintawag naman ni Spears nga “basura”.
“They keep saying I’m turning to random people to do a new album … I will never return to the music industry!!!,” suno sa pop icon.
Apang suno sa 42-anyos nga American singer, sa sulod na sang duha ka tuig, isa siya ka ghostwriter ukon nagasulat sang kanta para sa iban nga mga artists kag kuntento siya sa sini nga arrangement.
Kilala ang pop star halin sa late ’90s kag early 2000s bangud sang indi maisip nga chart-topping hits kaangay sang “Oops! I Did It Again”, “Baby One More Time”, “Toxic”, “Circus”, “Womanizer”, “Anticipating”, “Everytime”, “Sometimes”, kag “That s Where You Take Me”.
Sang nagligad lamang nga tuig, ang memoir ni Spears nga “The Woman In Me” ang nangin bestseller kag may masobra 1.1 million copies nga nabaligya sa una nga semana sang release sini.
