Indi pagbawion sang Pilipinas ang ginpadala sini nga barko sa Escoda Shoal apisar pa nga na-damage na ini matapos ginbungguan ang barko sang China Coast Guard (CCG).
Suno sa National Maritime Council (NMC) nga ginabug-usan sang defense, security, kag foreign affairs secretaries kag ginapangunahan ni Executive Secretary Lucas Bersamin, magapadayon sa operasyon ang BRP Teresa Magbanua sa West Philippine Sea.
Ginpahayag sang council nga indi ini magpangampo sa panibag-o nga akto sang pagpang-harass kag agresibo nga hulag sang China.
“The Philippines will continue its sovereign operations in its maritime zones. The BRP Teresa Magbanua will remain and maintain its operations in the West Philippine Sea. We will not succumb to acts of harassment and aggressive behavior,” statement sang NMC, ang newly-created body nga nagapanguna-bantay sa maritime zones sang Pilipinas.
Matandaan nga nag-protesta na ang China batok sa binulan nga pag-deploy sang Pilipinas sang BRP Teresa Magbanua, kag nagpanawagan man ini nga i-withdraw na sang Manila ang amo nga barko gikan sa ginapahayag “iligal” sini nga pag-estasyon sa Escoda Shoal.
Kahapon naman, Agusto 31, sang gin-report nga ginbungguan na sang CCG vessel 5205 sang tatlo gid ka beses ang PCG vessel.
Ang Teresa Magbanua nagalaba sang 97-metros kag amo ang isa sa pinakabag-o kag pinaka-moderno nga barko sang PCG nga ginpadala sa Escoda ukon Sabina Shoal nga sulod sa exclusive economic zone sang pungsod.
“As directed by the President, the Philippines will fully utilize and continue to pursue diplomatic channels and mechanisms under the rules-based international order and pursue the peaceful resolution of disputes,” suno pa sa NMC.
Dugang sa statement, “China’s latest actions are uncalled for as the Philippine vessel was engaged in a peaceful and lawful patrol within its own maritime jurisdiction. The Philippines condemns this unprovoked aggression and remains steadfast in upholding its sovereignty, sovereign rights and jurisdiction in the West Philippine Sea.”
Ini nga insidente ang natabo kasunod sang duha man ka separado nga maritime incidents nga naga-involve sang CCG kag Philippine ships sa amo nga area.
Sang nagligad lang nga Domingo, ginbungguan man sang CCG vessels kag gingamitan pa sang water cannon ang barko sang Bureau of Fisheries and Aquatic Resources (BFAR) malapit sa shoal. Sang amo nga tion, ang BRP Datu Sanday — nga lima ka beses gid nga ginbungguan — ang may yara kuntani sang humanitarian mission halin sa Hasa-Hasa Shoal kag magadul-ong sang diesel, food, and medical supplies sa Filipino fishermen sa Escoda.
Sang Agusto 19, ginbalabagan man sang CCG vessels ang duha ka barko sang PCG nga may rotation and reprovisioning (RORE) mission sa BRP Teresa Magbanua.#
