First runner-up sa Mister Culture World International 2023 sa Đà Lạt, Vietnam ang Bachelor of Science in Criminology student sang West Visayas State University (WVSU) Lambunao Campus nga si Mark Lexon Operio.
Ang 23-anyos nga tumandok sang Janiuay, Iloilo ang nagtapos man anay bilang third runner-up sa Mr. WVSU 2023.
Sang March 2022, nagpasakop man si Operio sa Man of the Globe Philippines sa Angeles City, Pampanga kun sa diin iya nakuha ang second runner-up title.
Ang kumpetisyon sa Vietnam amo ang iya labing-una nga international pageant.
Nakuha naman sang isa pa ka Pinoy nga si Hari ng Pilipinas – Lakan Ng Kultura 2022 Kevin Claud Beray ang titulo nga Mister Culture World International 2023.##
