Gina-engganyo sang Bangko Sentral ng Pilipinas (BSP) ang publiko nga himuon nga digital ang paghatag sang aguinaldo subong nga Paskuwa.
Pahayag sang bangko, magluwas sa pisikal nga kuwarta, kuntani maggamit naman sang electronic cash (e-cash) bilang regalo.
Ginpaathag sang bangko nga may pagsaka sa demand sa bag-o kag malimpyo nga banknotes kag coins sa holidays bangud tradisyon na sang mga Pilipino nga maghatag sang regalo sa ila mga apo, pamilya, abyan, kag mga palangga sa kabuhi.
“Holidays usually usher in an increase in demand for new and clean banknotes and coins as Filipinos traditionally give cash gifts or aguinaldo to their godchildren, families and friends,” suno sa central bank.
Kun e-cash suno sa bangko, mas mahapos ini kag naga-promote pa sang mas digital kag inclusive nga ekonomiya sa Pilipinas.
“Sending cash gifts electronically is convenient and efficient, and it promotes a more digital and inclusive Philippine economy,” dugang sini.
Sa pihak nga bahin, nagpahanumdom man ang bangko sa publiko nga mahimo magpabaylo sang mga bag-o nga kuwarta nga papel kag coins sang libre sa ila nga depository banks.
Nagpasalig man ang central bank nga magpadayon ini sa paghimo sang bag-o nga banknotes kag sensilyo para nga ma-cater ang demand sa physical cash sa sini nga season.#
