Mas masolusyunan ang impact sang nagataas nga presyo sang produktong petrolyo kun buligan na lang ang transportation sector sa baylo nga dulaon ang fuel excise tax.
Suno kay Bangko Sentral ng Pilipinas (BSP) Deputy Governor Francisco Dakila Jr., nagakadapat nga tutukan sang national government ang assistance nga ihatag para sa vulnerable sectors sang ekonomiya ilabi na sa public transport sector.
“Having more targeted intervention would be actually more effective. And that assistance can be directed to the most vulnerable sectors of the economy including on public transport.”
Ini nga pahayag ang sabat sang BSP sa panawagan sang Department of Energy nga i-suspende ang excise tax sa produktong petrolyo agud nga mapanubuan ang presyo sang gatong.
“Although there’s no official stance on this, I’ll just note that cutting excise taxes will have an impact on the fiscal position. So that’s one big consideration. But the benefit will accrue both to the poor and also to the wealthy,” dugang pa ni Dakila.
Nahibaluan nga santo sa Department of Finance, mahimo maglab-ot sa P131.4 billion ang kapyerdehan sang gobyerno sa revenue sa masunod nga tuig kun indi ma-implementar ang fuel excise tax.
