BSP, kumpyansa nga indi pa kinahanglan ang intervention sa pagluya sang balor sang peso vs US dollar —Malacañang

Ginpasalig sang Malacañang nga padayon ang monitoring sang Bangko Sentral ng Pilipinas (BSP) sa peso-US dollar exchange.

Suno kay Palace Press Officer Undersecretary Claire Castro, kampante pa man ang central bank subong nga indi pa kinahanglan ang intervention.

Ini sa tunga sang sunod-sunod nga inadlaw nga mas nagaluya ang balor sang Philippine Peso kontra sa US dollar.

Sa pagtakop sang trading kahapon, Enero 15, nagsarurot ini sa P59.46 nga amo na subong ang lowest level — mas manubo pa sang dos sentimos sa nauna nga historic low nga P59.44 sang Myerkules.

“Ang Bangko Sentral ng Pilipinas ay patuloy na binabantayan ang lagay ng palitan ng peso kontra dolyar upang makakilos ito nang tama kung kinakailangan. Sa ngayon, kampante ang ating Central Bank na hindi pa sila dapat magkaroon ng intervention,” suno kay Castro sa press briefing.

Sa pihak sini nga kumpyansa, ginpatpat sang Palace official ang mga tikang sang gobyerno kaangay sang pagsiguro sang paghinay sang pagsaka sang presyo sang mga balaklon, pagsuporta sa investments, kag ang pagpabaskog sang mga sektor sang ekonomiya.

Ginpangmensyonar man sini ang nagapaluya sang balor sang peso nga amo ang global geopolitical tensions kaangay sang away sang US kag Venezuela kag ang mga espekulasyon sa manubo nga interest rate sang US Federal Reserve.

Ginhinambit man ang imbestigasyon sa mga anomaliya sa flood control projects nga isa sa naga-contribute sa mga rason.

“At tandaan natin na nabanggit din po na isa sa mga naging reason dito ay ang patuloy na pagpapaimbestiga ng mga maanomalyang flood control projects. Nakakaapekto po ito at daraanan po talaga ang sitwasyon na ito,” suno sa iya.

“Bagama’t ganiyan ang magiging consequence, minabuti pa rin po ng Pangulo na linisin po ang gobyerno laban sa maanomalyang flood control projects, laban sa mapang-abusong paggamit ng pondo ng bayan. At kung hindi po gagawin ‘to ng Pangulo, hindi po siguro masisimulan ng iba,” dugang ni Castro. “Ang nais po ng Pangulo ay maging transparent at maipakita sa taumbayan na ginagawa ng gobyerno ang paglilinis ng pamahalaan laban sa korapsiyon.”