Ginkumpirma sang Bangko Sentral ng Pilipinas (BSP) nga nagbaligya ini sang gold ukon bulawan sa una nga anom ka bulan sang tuig kasunod sang report nga ang central bank sang Pilipinas ang pinakadako nga seller sang amo nga precious metal sa nasambit nga period.
Suno sa BSP, kabahin ini sang aktibo nga management strategy sang gold reserves sang pungsod, nga isa sa nagabug-os sang Gross International Reserves (GIR) sang Pilipinas.
Base sa International brokerage tracking website bestbrokers.com, ang Pilipinas nagbaligya sang 24.95 tonnes sang gold sa first half sang tuig kag naghimo sa pungsod bilang largest seller sa amo nga period.
Nagpamalibad naman ang BSP nga magkomento sa halos 25-tonne nga figure nga nasaad sa report.
Suno sa bestbrokers.com, ang gold sales nagbuhin sa Philippine gold reserves halin sa 159.05 tonnes sa katapusan sang 2023, panaog sa 134.06 tonnes sa first half sang 2024.
Base sa website sang World Gold Council, ang Pilipinas amo ang third largest producer sang gold sa Asia, kasunod sang China kag Indonesia.
Sang 2023, ang Pilipinas naka- produce sang 40.8 tonnes sang gold.
Sa statement nga ginpagwa sang BSP,ginsiling sini nga ginhingalitan nila ang ang mas mataas nga presyo sang gold sa merkado kag nag-generate sang dugang nga income nga wala ginakompromiso ang primary objectives sang pagmintinar sang gold, nga amo ang insurance kag safety.
Ang presyo sang gold ang yara subong sa $2,600 per oz sa world market.
