Nagpaandam ang Bangko Sentral ng Pilipinas sa publiko batok sa mga indibidwal nga nagapakuno-kuno nga mga opisyal ukon personnel sang BSP agud mangayo sang donasyon.
Sa isa ka advisory sang ahensya, gin-athag sini nga wala sila nagapangayo sang biskan ano nga donasyon ukon ano man nga klase sang financial contribution halin sa publiko.
Suno pa sa ahensya nga kinahanglan usisaon anay sang publiko ang dokumento kun lehitimo ini ukon indi.
Gina-engganyo man sang BSP ang publiko nga ireport sa mga otoridad nga nagapatuman sang kasuguan ang bisan ano nga indi ordinaryo ukon iligal nga aktibidad agud maimbestigahan kag mapasakaan sang nagakaigo nga kaso.
