Hugot nga ginpanginwala sang komedyante nga si Buboy Villar ang mga alegasyon sang iya anay nobya nga si Angillyn Gorens nga ginsakit niya ini ka ginpabay-an ang ila mga anak.
Suno kay Buboy, ginkakibot niya ang mga pahayag ni Angillyn bangud wala gid niya ini ginsakit kag sa isyu naman sang sustento sa kabataan, ginsiling ni Buboy nga may agreement na sila tuhoy diri .
Pahayag sang actor, nakaatubangay na sila sadto kaupod ang ginikanan ni Angillyn kag didto niya ginplastar kun ano ang masarangan niya bilang amay kag nakasugtan nila ini.
Suno sa komedyante, sa pihak sang pahayag ni Angillyn, ginarespeto niya ini kag indi na magpagwa sang iya bersyon sang istorya para indi na maglala ang sitwasyon.
Dugang pa ni Buboy, nakig-istorya naman ini sa iloy ni Angillyn.
Nahibaluan nga sa subong, may yara sang partner si Buboy kag may isa naman sila ka anak.
