ILOILO CITY- Maathag nga nabasa na sang Milwaukee Bucks ang estilo sang hampang kag hulag sang Phoenix Suns rason nga naangkon sang Bucks ang kadalag-an sa score nga 109-103, sa game 4 sang NBA Finals.
Sa interview sang Bombo Radyo kay Jophil Cercado, basketball trainor kag coach sang Province of Iloilo Sports Program, iya ginpahayag nga wala nangin madinalag- on ang transition sang Suns bangud sa match up sang Bucks.
Suno kay Cercado, impresibo man ang ginpakita ni Khris Middleton nga perimeter shooting.
Si Middleton ang naka-score sang 40 points samtang si Giannis Antetokounmpo ang nakadugang sang 26 points para sa Bucks.
Sa bahin sang Suns, 42 points ang natipon ni Devin Booker.
