MANILA – Gin-ako sang pamunu-an sang Bureau of Corrections nga may nakalusot nga illegal drug transaction sa sulod sang pasilidad bangud sa kalaparon sini.
Ini ang kasunod sang pagkadakop sang isa ka drugugista sa Pavia, Iloilo kun sa diin iya gin-ako nga ang illegal drug transaction ang natigayon halin sa iya himata nga napreso sa sulod sang nasambit nga pasilidad.
Sa interview sang Bombo Radyo kay Police Col. Gabriel Chaclag, tagpamaba sang Bureau of Corrections, iya ginpahayag nga indi mahinago nga may yara sang mga inmate sa sulod sang pasilidad nga nagapalusot sang illegal drugs santo sa mga impormasyon gikan sa drug personalities nga nagkaladakpan sa buy bust operation.
Suno kay Chaclag, mas makapaayo kun may yara sang close coordination ang Bureau of Corrections kag ang law enforcement agencies agud nga madali nga mahibalu-an kun may yara sang illegal drug transactions nga ginapatigayon.
Sa pihak sang kakulangan, ginpasalig man sang natungdan nga wala nagapabaya ang gobyerno agud nga mapadayon ang kampanya batok sa illegal drugs.
