Ang Bureau of Corrections (BuCor) kag indi ang Armed Forces of the Philippines (AFP) ang in-charge sa pagpaguwa sa presohan kay US Marine Lance Corporal Scott Pemberton.
Si Pamberton ang convicted bangud sa pagpatay sa Filipino transgender woman nga si Jennifer Laude sang 2015.
Apisar nga nagapabilin sa AFP custodial facility si Pamberton, pahayag ni Maj. Gen. Edgard Arevalo, tagpamaba sang AFP, ang mandu sang korte ang kinahanglan nga sundon sang BuCor.
Apang handa man nga magbulig ang Armed Forces of the Philippines sa BuCor sa paghikot sang mga kinahanglanon agud mangin hilway na si Pemberton.
Nahibaluan nga base sa desisyon sang Olangapo City Regional Trial Court branch 74, indi na kinahanglan pa nga tapuson ni Pemberton ang 10 ka tuig nga paka-preso bangud sa iya nga good conduct time allowance.
