Ginbuhinan sang House appropriations committee ang proposed 2025 budget sang Office of the Vice President.
Suno kay Marikina City 2nd District Representative Stella Quimbo, senior vice chairperson sang nasambit nga komitiba, halin sa P2.037 billion, nangin P733.198 million na lang ini.
Nagakahulugan nga P1.2 billion ang ginbuhin sa opisina ni Vice President Sara Duterte.
Gin-athag ni Quimbo nga tanan nga nagtambong sa executive committee ang nagpabor nga buhinan ang budget sa opisina ni Duterte.
Matandaan nga sa una nga budget hearing, si Duterte pa ang maisog samtang nagapangayo sang budget sa diin ginpahayag sini nga indi siya magsabat sa mga pamangkot sang mga mamalidha.
Samtang sa ikaduha naman nga hearing, wala na gid ini nagtambong.
Sa baylo nga magsabat sa hearing, nagpagwa sang video si Duterte sa diin ginpanglaslasan sini ang mga myembro sang Kamara.
Ginpahayag man ni Duterte nga nakahanda man siya nga magtrabaho apisar zero ang budget sang iya opisina.
