Naghingyo si Buenavista, Guimaras Mayor Eugene Reyes sa Maritime Industry Authority (MARINA) nga panubuan ang plete sang mga pasahero nga nagasakay sa fiber glass boats halin sa Parola Wharf padulong sa Buenavista Wharf and vice versa.
Sa interview sang Bombo Radyo kay Mayor Eugene Reyes, iya ginpahayag nga sa iya letter request nga ginpadala kay MARINA Region VI director Engr. Jose Venancio Vero, iya gin-apelar nga halin sa P50, panubuan sa P40 ang plete.
Ini agud nga mabuhin-buhinan man ang gasto sang mga pasahero nga nagabyahe.
Suno kay Reyes, sang una nga 100 percent pa ang passenger load sa mga pumpboats, 15 pesos lang ang plete sang mga pasahero sa traditional pumpboats kag sang ginpatuman na ang physical distancing measure, nagsaka sa P30 ang plete bangud 50 percent na lang ang seating capacity.
Nagalaum ang natungdan nga makahatag na sang positive response ang MARINA sa labing madali nga panahon.
