ILOILO CITY – Gin-relieve sa puwesto ang bug-os nga katapo sang Philippine Drug Enforcement Agency (PDEA) Region 6.
Ini ang ginkumpirma sa Bombo Radyo Iloilo ni PDEA Director General Isidro Lapena kadungan sang pagpadulong sa siyudad sang Iloilo kun sa diin ginpatigayon ang turnover of commander sa bag-o nga pinuno sang PDEA sa rehiyon.
Kadungan sini, nagpungko bilang bag-o nga PDEA-6 director si Wardly Getalia nga anay deputy regional director sang ginbungkag nga Negros Island Region, samtang ang ginbuslan sini nga si Director Gil Pabilona ang igasaylo sa Manila.
Ginpahalin man sa puwesto ang 20 ka agents sang PDEA sa Western Visayas.
Suno kay Lapena, apisar maayo ang performance sang PDEA sa rehiyon, kinahanglan pa ini mag-double time agud matapna ang iligal nga droga.