𝗜𝗟𝗢𝗜𝗟𝗢 𝗖𝗜𝗧𝗬 – Mas ginpili sang iban nga mga magkahagugma ang bugas kun ipaanggid sa bulak subong nga Valentine’s Day.
Sa interview sang Bombo Radyo kay Sterjen Fabellore, waitress sa isa ka restaurant sa Jaro, Iloilo City, iya ginpahayag nga para sa ila nga mag-asawa, mas mayo nga mangin praktikal.
Para kay Fabellore, ang selebrasyon sang Valentine’s Day ang ordinaryo lang nga adlaw kag indi tuman ka importante kun ipaanggid sa mga manggaranon.
Ginpahayag sini nga sa pihak sang kapigaduhon, nagakadapat nga magpangibabaw sa gihapon ang pagpalangga-anay.
Bangud pamilyado na ini kag may tatlo ka mga kabataan, mas pasulabihon sini ang pagbakal sang mga kinahanglanon sa sulod sang ila balay.
Suno sa natungdan, nagpangayo ini sang P500 sa iya bana nga nagatrabaho bilang isa ka tricycle driver kag sa baylo nga mag-date, ibakal sini sang bugas ang iya nabaton nga kwarta.
