Buhawi naglaslas sa isa ka banwa sa Iloilo, pila ka istruktura naguba

ILOILO CITY – Gin-igo sang buhawi ang banwa sang Dumangas, Iloilo kadungan sang mabaskog nga ulan kaina sang kaagahon.
Nagresulta ini sa pagkawasak sang isa ka restaurant samtang pilason naman ang isa ka motorista.
Sa interview sang Bombo Radyo kay Rolen Dullete, tag-iya sang Erlinda Talabahan, ginpahayag sini nga nakabugtaw sila sa panihol sang hangin kaina sang kaagahon kag sang nagdu-aw sa bintana, ila nasaksihan ang buhawi.
Gilayon naman ang mga ini nga nagguwa sa restaurant antes nawasak ang istruktura.
Samtang, pilason naman ang isa ka motorista natapos matumba ang ginamaneho nga motorsiklo sang malapakan ang mga debris sang naguba nga restaurant.