ILOILO CITY – Ginpa-Bombo sang pila ka mga drivers kag mga nagapaninda ang mga buho sa dalan sa intersection sa Iloilo Terminal Market.
Sa interview sang Bombo Radyo sa trisikad driver nga si Rodolfo Noquero, iya ginpahayag nga siya mismo ang naka-agi nga nahulog sa amo nga buho.
Suno kay Noquero, may mga pasahero man kag mga nagapaninda sa merkado nga nahulog sa amo man nga buho sa lugar.
Pahayag niya, nagatinir pa diri ang tubig sa tion nga mag-ulan.
Dugang pa sang natungdan, madugay na nila ini nga ginareklamo.
Nagpanawagan man ini sa mga opisyal nga talupangdon ang problema nga madugay na nila nga ginareklamo.
