Building sa isa ka unibersidad sa Iloilo, nasunog

ILOILO CITY – Nasunog ang ika0duha nga panalgan sang Teacher’s Building sang College of Education sang West Visayas State University (WVSU).
Ginpahayag sa Bombo Radyo ni Fire Chief Insp. Bartolome Biliran, Iloilo City Fire Marshall, nagsugod ang kalayo sa duha ka electric fan nga nakasaksak pa sa outlet.
Suno kay Biliran, bukas man ang aircon sa kuwarto sang maabtan sang mga bombero.
Ginabanta nagalab-ot sa P30,000 tubtob P50,000 ang balor sang halit sa nasambit nga sunog.