Nagapabilin nga number 1 agri producer sa Pilipinas ang probinsya sang Bukidnon nga ginatawag man nga Food Basket of Mindanao.
Ang probinsya amo ang pinakadaku nga kontribyutor sa gross value added sang agriculture, forestry, kag fishery (AFF) sa tuig 2024.
Padayon ang pagtaas sang kontribusyon sang Bukidnon sa agriculture, forestry and fishery umpisa 2022, kag nalapawan na sini ang 81 ka probinsya kag 33 ka highly urbanized cities sa bilog nga pungsod.
Suno sa provincial government, dako ang nabulig sang maayo nga sitwasyon sang ila lugar kun sa diin gingrasyahan ang probinsya sang matag-as nga kabukiran, mga banglid, mga patag nga kadutaan kag natural attractions nga halos indi matandug sang mga bagyo.
Ang probinsya amo ang isa sa mga major producers sang nagkalain-lain nga agricultural commodities sa pungsod, lakip na ang humay, mais, kalamay, kape, goma, pinya, kamatis, kabulakan, kamote, kag indi man magpaulihi sa manok, baboy kag baka.
Ini amo man ang isa sa may pinakadako nga pineapple plantation.
Ang pag-umwad sang Bukidnon sa nagligad nga mga tuig nagapakita sang dako nga pagbag-o sa 1.5 % nga pagnubo nga narekord sang Philippine Agriculture sector sang nagligad nga tuig.
