ILOILO CITY – May ginpatigayon nga bulang kadungan sang fiesta ni Nuestra Señora de la Candelaria sa Iloilo Coliseum sa San Isidro Jaro Iloilo City.
Sa interview sang Bombo Radyo kay Mr. Jeck Conlu, spokesperson sang COVID-19 Team sang syudad sang Iloilo iya ginpahayag nga nagpadala na sila sang mga compliance officer antes sila magpatigayon sang inspection.
Katuyuan sini suno kay Conlu nga masigurado nga masunod ang tanan nga minimum health protocol sa bulang.
Nahibaluan nga sa pagpangusisa sang Bombo Radyo, wala nasunod ang minimum health protocol sa diin nagsininggit ang mga nagtambong sa bulang.
