ILOILO CITY- Padayon pa nga ginaimbestigaran sang Philippine National Police ang ginpatigayon nga bulang sa banwa sang Janiuay, Iloilo nga ginaalegar naglapas sa guidelines sang Inter-Agency Task Force nga nagadumili sang online betting kag livestreaming sang aktibidad.
Sa interview sang Bombo Radyo kay Police Colonel Gilbert Gorero, diector sang Iloilo Provincial Police Office, iya ginpahayag nga may permit gikan sa Local Government Unit sang Janiuay ang amo nga bulang apang may nakit-an nga violation.
Suno kay Gorero, may nakaset-up nga camera sa cockpit arena nga nagapatimaan nga posible nga may natabo nga livestreaming.
Ginpahayag sang director nga sa subong,wala pa makapaathag ang organizer sang bulang tuhoy sa ginaalegar violation.
Pananglitan mapamatud-an nga may ginlapas nga guidelines ang amo nga bulang, mahimo nga ipasaka ang nagakaigo nga kaso batok sa organizer kag sa mga involved sa nasambit nga aktibidad.
