ILOILO CITY – Ginpasidunggan sang Iloilo City Government ang mga halangdon nga iloy kadungan sang ginpatigayon nga ‘Bulawanon nga Nanay’ 2024.
Sa interview sang Bombo Radyo kay Noriel Trabuco, sang City Social Welfare and Development Office, iya ginpahayag nga ang ini mga city-wide search ang may katuyuan nga maghatag sang pasidungog sa mga iloy nga naga-edad sang 45 tubtob 75 anyos nga bona fide resident sang syudad, may yara mayo nga moral standing kag aktibo sa pagpasanyog sang komunidad.
Suno kay Trabuco, ang ini nga inisyatibo ang naga-highlight sa papel sang mga iloy sa pagbalanse sang madamo nga responsibilidad sa ila tagsa ka mga balay samtang naga-contribute man sa komunidad.
Ini ang nag-umpisa sang tuig 2009 kag ginpadayon kada tuig kag inisyatibo sang Task Force on Street Children.
Nahibaluan nga ini na ang ika-15 ka tuig nga ginpatigayon ang nasambit nga pagpasidungog.
