ILOILO CITY- Padayon pa nga gina-consolidate sang Iloilo Provincial Government ang tanan nga data sa nagkalain-lain nga kabanwahanan nga naapektuhan sang lapnagon nga pagbaha.
Sa interview sang Bombo Radyo kay Iloilo Governor Arthur Defensor Jr., iya ginpahayag nga subong nga adlaw pa patigayunon ang assessment sa extent sang halit sa mga pananom kag propedad.
Suno kay Defensor, sa tion nga matapos na ang assessment, gilayon man nga magahatag sang bulig ang provincial government sa mga apektado.
Nagalaum naman ang gobernador nga indi tuman ka dako ang halit sa agrikultura bangud mamierdihan gid ang sektor sang mga mangunguma.
Nahibaluan nga pila ka mga banwa nga ginbahaan amo ang San Enrique, Lemery,Sara, Banate, kag Passi City nga nagresulta sa evacuation sang ginatos ka mga pumuluyo.
Magluwas sa mga balay kag kasapatan nga naanod, may nagluntad man nga landslide sa pila ka bahin sang probinsya.
