ILOILO– Makabaton sang bulig pinansyal ang mga pamilya sang napatay kag na hospital nga mga pasahero sang nagkulob nga pumpboat sa tunga sang Iloilo Strait.
Sa interview sang Bombo Radyo kay Engr. Rowel Pador, Senior Shipping Operations Specialist sang Maritime Industry Authority, iya ginpahayag nga makabaton sang P200,000 ang mga himata sang napatay nga biktima samtang P50,000 naman ang para sa mga na hospital.
Suno kay Pador, makabaton ang tanan nga pasahero sang bulig pinansyal kun sila ang nakalista sa manifesto.
Gina-tahg sang natungdan nga makabaton man sang insurance ang mga missing pa nga pasahero sa tion nga masapwan ang ila bangkay apang indi pa siya makasigurado kun mahimo makabaton ang himata kun indi makita ang bangkay sang mga biktima.
Ginpasigurado man ni Pador nga handa ang Maritime Industry Auhtority nga magpakigsapol sa mga insurance company agud nga makabaton sang bulig pinansyal ang mga pasahero.
