Liwat na naman nga nagbuga sang abo ang Bulkan Kanlaon subong nga adlaw.
Suno sa Philippine Institute of Volcanology and Seismology (PHIVOLCS), duha ka beses nga nagbuga sang abo ang Bulkan Kanlaon nga naglawig sang 70 minutes.
Narekord man ang 16 ka mga volcanic earthquakes, lakip na ang duha ka volcanic tremor nga nagdugay sang 34 tubtob 42 minutes.
Nagapabilin naman sa Alert Level 3 ang estado sang Bulkan Kanlaon, nga nagakahulugan nga may mataas nga posibilidad nga may mga masunod pa nga paglupok nga matabo.
Gina-abisuhan naman ang publiko nga likawan ang pagpalapit sa 4-kilometer permanent danger zone sa palibot sang bulkan.
