Ginkumpirma sang Philippine Institute of Volcanology and Seismology (Phivolcs) nga naglupok ang Bulkan Kanlaon sa Negros Island subong nga gab-i, Oktubre 24.
Suno sa ahensya, nag-umpisa ang minor explosive eruption 8:05 kag naglawig tubtub 8:08 pm.
“This event generated an eruption plume that rose 2,000 meters above the crater before drifting northeast as recorded by the IP Camera in Lower Masulog, Canlaon City observation station (VKLM),” suno sa ahensya.
Dugang sini, “Pyroclastic density currents (PDCs) could be seen descending the southern upper slopes within 1 kilometer of the summit crater.”
Nagapabilin ang status sang bulkan sa Alert Level II nga nagakahulugan nga may “increased unrest.” Sa sini nga status, posible matabo ang steam-driven ukon phreatic eruptions.
Hugot nga ginadumilian ang pagsulod sa four-kilometer radius Permanent Danger Zone (PDZ) kag pagpalupad sang aircraft malapit sa bulkan.
