Nag-alburuto naman ang Bulkan Taal kaina sang kaagahon.
Base sa Philippine Institute of Volcanology and Seismology (PHIVOLCS), nag-umpisa ini 2:02 kag natapos 2:15.
“A minor phreatomagmatic eruption from Taal Volcano Island’s Main Crater at 02:02 AM today, 01 October 2025 was captured by the thermal camera at Taal Volcano Observatory (TVO) and IP Camera at the Main Crater Observation station (VTMC). The event produced a 2500-meter-high eruption plume that drifted northwest,” suno sa ahensya.
Nagapabilin naman sa Alert Level 1 ang status sang bulkan.
Ginpahayag sang ahensya nga ang Alert Level 1 nagakahulugan nga ang bulkan yara sa indi normal nga kahimtangan, may low-level unrest, kag posible pa nga magpakita sang dugang nga mga senyales sang aktibidad.
Nahamtang ang Taal Volcano sa Batangas kag isa sa mga pinakaaktibo nga bulkan sa pungsod.
