Padayon ang pagguwa sang dome nga may pyroclastic density current sa Bulkang Mayon base sa ginpaguwa nga report sang Philippine Institute of Volcanology and Seismology (PHIVOLCS).
Ginpakigbahin man sang PHIVOLCS nga nagapakita ang bulkan sang baga sa crater sang bulkan.
Suno pa sa ahensya nga ang sobra kainit nga gas halin sa bag-o nga magma nagapahiwatig sa atmospera sang crater sa sulod sang bulkan.
Nagapahanumdum ang PHIVOLCS nga nagapabilin sa Alert Level 3 ang Bulkang Mayon kag ginabawalan ang pagsulod sa anom ka kilometro nga permanent danger zone sa lugar.
Samtang, ginmando na ni Social Welfare Secretary Rex Gatchalian ang pagpadala sang dugang nga 100, 000 family food packs sa Rehiyon sang Bicol para sa mga pamilya nga apektado sang padayon nga pag-alburuto sang Bulkan Mayon.
Ginapasiguro sang DSWD nga may naka-preposition nga mga pagkaon kag non-food items sa nagkalain-lain nga bodega sa Rehiyon sang Bicol.
May ara sang P132.59 million nga stockpile kag standby funds nga handa sa DSWD field office 5 agud suportahan ang relief operations para sa mga pamilya nga apektado sang hulag sang Mayon.
Nahibaluan nga nagpagwa sang report ang PHIVOLCS nga may ara sang narekord nga masobra 130 rockfall events sa Mayon.
Ginsundan pa ini sang isa ka “ongoing dome collapse pyroclastic density current” ukon uson nga nacapture sang camera nga ginpahamtang malapit sa Mayon.
Sa subong may kabug-usan nga masobra 558 FFPS ang DSWD sa Disaster Resource Center sa Pasay City, Visayas Disaster Resource Center sa Mandaue City, kag Mindanao Disaster Resource Center sa Butuan City.
