Magapatigayon sang independent assessment ang Department of Health (DOH) sa posible nga paggamit sang anti-Ebola drug Remdesivir sa pagbulong sa COVID-19.

Sang tinalikdan nga semana, gin-aprubahan sang Food and Drug Administration (FDA) sang Estados Unidos ang Remdesivir bilang bulong para sa nasambit nga virus.

Suno sa DOH, amat-amat na nga gina-review sang ahensya ang basehan sa pag-apruba sang US FDA sa Remdesivir.

Ang Health Technology Assessment Council sa pungsod ang maga-conduct man sang independent assessment sa tanan nga available data sa Remdesivir agud makahimo sang rekomendasyon.

Isa ka antiviral drug ang Remdesivir nga gin-develop para sa Ebola apang ini naman subong ang ginapatihan nga makabulig sa mga COVID-19 patients agud madasig nga maka recover.