Bulto, bulto nga Marijuana, nakumpiskar sa RORO port sa Dumangas Iloilo

Bulto, bulto nga Marijuana, nakumpiskar sa RORO port sa Dumangas Iloilo; mga arestado, gin ako nga ginabaligya nila sa mga coffee shops sa Bacolod City ang mga Marijuana

ILOILO CITY-Nagdangat sa masobra 10 ka kilo nga marijuana ang nakumpiskar sang mga otoridad sa Roll On-Roll Off (RORO) Port sa Dumangas Iloilo.
Sa interview sang Bombo Radyo kay Lieutenant Commander (LCDR) Ramil A. Palabrica, Philippine Coast Guard (PCG)-Iloilo station commander, ginpahayag sini nga lunsay mga residente sang Bacolod Cityang mga naaresto.
Ini amo sanday Tonitsi Joson Jami kag Abdullah Laurel Ishaq.
Sunu kay Palabrica, ginrason sang mga arestado nga naghalin ang mga ini sa Benguet agud magpabutang sang tattoo, apang sang wala ini madayon, ginhatagan na lang ang mag ini sang regalo.
Gindugang sang mga naaresto nga wala ang mga ini sang ihibalo nga marijuana ang regalo nga ginhatag sa ila.
Apang wala ginbaton sang mag otoridad ang rason sang mga ini.
Nagpakatig-an naman ang mga ini nga pabuksan ang ila dala nga bagage sa diin nakabutang ang bulto-bulto nga marijuana.
Nahibaluan nga nagtuyo pa kuntani nga magpalagyo ang duha apang sa ulihi, nakorner sang mga otoridad.
Nagapangatubang naman ang mga ini sang kaso nga paglapas sa Comprehensive Dangerous Drug Act.
Samtang, nagpaandam naman si Dumangas Mayor Ronaldo “Onal” Golez, nga indi nila pagpasugtan nga may makalusot nga marijuana ukon illegal nga droga apisar rush hour ilabi na subong nga paskwa.