𝗠𝗔𝗡𝗜𝗟𝗔 —Magasugod ang Bureau of Animal Industry (BAI) sa pagbakuna sa mga baboy umpisa sa Martes sa masunod nga semana, Agosto 20 samtang ang African Swine Fever (ASF) padayon nga nagaapekto sa palangabuhian sang madamo nga mga hog raisers.
Nakaplani man ang Bureau of Animal Industry nga magabisita sa probinsya sang Batangas sa Biernes, kon sa diin, walo ka mga banwa ang naka-log sang kaso sang African Swine Fever, agud iplastar ang mga tinutuyo sang vaccination program.
Gin-athag man sang talatapan nga ang pagbakuna ang libre kag boluntaryo.
Tuyo man sang Bureau of Animal Industry nga magkig-istorya anay sa mga technical nga tawo sa Batangas, kag indi lang dali-dali nga magbakuna bangud nga kinahanglan nga maghalong gid.
Ang bakuna una nga gamiton sa health nga mga baboy kag indi ini pag-indyeksionan sa mga baboy nga breeder.
Samtang, ang mga ginbakunahan nga mga baboy pagabantayan kada 30 tubtob 60 ka adlaw.
Kon ang isa ka baboy magpositibo, indi na ini pagbakunahan bangod natapikan na ini kag ang bakuna mangin indi epektibo.
Ginpahayag man sang Department of Agriculture (DA) nga may kabug-usan nga 600,000 ka mga bakuna batok sa African Swine Fever nga maga-abot sa pungsod sa bulan sang Setyembre.
